Suma e segue do Cisne que se impón con autoridade (27-38) ao Cinco Jotas Lavadores
Por Redacción
Oito minutos aguantou o Lavadores o pulo dun Cisne que segue contando por vitorias todos os seus partidos neste inicio ligueiro. O equipo vigués púxose por diante no marcador nos primeiros compases, pero en canto os de Edín Covelo conseguiron o empate a tres goles, xa non deixaron as rendas do partido, ata rematar vencendo con relativa comodidade.
Os cinco goles de vantaxe con que marchou o equipo visitante ao vestiario no descanso non permitían confianzas, e non as tivo o cadro cisneísta, a pesar de que os vigueses lograron poñerse a só dous goles por debaixo no minuto 38, que resolveron pronto os pontevedreses cun demoledor parcial de 2-10 en apenas once minutos, para pasar do 16-18 (minuto 36) ao 18-28 (minuto 47) que sentenciaba o partido
LAS CINCO JOTAS LAVADORES (27): Diego García; Iván García (1), Yago Rivas, Fernández Tresandi (2), Manuel Groba, Pablo Gayoso (5), Adrián Suárez (1), Pablo León (2), Nicolás Forero (1), Daniel Miró (2), Aarón Seoane (5), Pablo Barros (2), Alejandro Febrero (4), Raúl Pérez, Rodrigo Mariño (2) e Alfredo López.
BM CISNE (38): Toño Lafuente, Pablo Galán, Santiago Cuenca; Iván Abilleira (5), Edu Covelo, Álex Chan (5), Pablo Picallo (1), Andrés Sánchez (6), Rafa Dasilva (3), Miguel Simón (1), Javi Vázquez (6), Carlos Rodríguez, Pablo Vidal (4), Pablo Rey (4), José Javier Hermida e Pepe Camiña (3).
Árbitros: Lucas Crespo Gómez e Pablo Álvarez Vázquez (Galicia). Descualificaron con vermello directo o xogador local Nicolás Forero (min. 41'39"). Excluíron por dous minutos a Yago Rivas, polo Lavadores, e a Miguel Simón (2) e Carlos Rodríguez, polo Cisne.
Marcador (cada cinco minutos): 1-1, 3-6, 5-8, 6-10, 8-12, 11-16 (descanso), 14-18, 16-20, 17-25, 20-29, 23-33 e 27-38 (final).
Incidencias: Pavillón Municipal de Lavadores (Vigo).