O Hospital Domínguez mantense como centro de referencia para os futbolistas federados
Por Diego Espiño
Finalmente os fútbolistas con ficha federativa na Federación Galega de Fútbol (FGF) poderán seguir acudindo ao Hospital Miguel Domínguez como centro sanitario de referencia nas lesións producidas en partidos e adestramentos.
Esta opción quedaba no aire tras o anuncio da Asociación de Hospitais Privados de Galicia, á que pertence o Domínguez, de deixar de prestar asistencia a futbolistas de categoría biberón, xuvenil e afeccionados ata Terceira División a partir deste martes 14 de outubro.
Non obstante o centro médico chegou a un acordo coa mutua de FGF, Adeslas, e foi incluído no listado de centros publicado a última hora do luns.
Así, aínda que noutros lugares se producen cambios, en Pontevedra o Hospital Domínguez mantense como centro para a atención ambulatoria, probas diagnósticas, urxencias e rehabilitación, se ben neste último aspecto as clínicas Fimega prestarán o servizo en Vilagarcía, Marín, Caldas ou Sanxenxo.
En Vilagarcía as probas diagnósticas realizaranse no Centro Médico Jacinto López, e a atención ambulatoria en Fimega.
Nos relativo ao servizo de odonto-estamología o centro de referencia será Adeslas Dental, en Pontevedra.