O Teucro baixa á area para gozar dunha xornada diferente na Illa
Por Redacción
O primeiro plantel do Teucro rompeu coa rutina dos adestramento de pretempada protagonizando unha xornada de convivencia na Illa de Arousa.
Quique Domínguez, axudado por Toño Puga na preparación física, programou unha sesión na praia do Parque Natural de Carreirón, onde os xogadores azuis realizaron exercicios máis amenos en busca de mellorar os vínculos entre eles.
Todos, xunto co corpo técnico, gozaron tras o adestramento dunha comida grupal na que se comprobou a boa integración das novas incorporacións.
Tal e como recoñeceu César Armán "ha sido un buen día para hacer grupo. Ya de por sí somos un equipo con muy buena relación pero estas jornadas son positivas. Pasarlo bien durante unas horas en una actividad ajena a los entrenamientos siempre está bien".
O extremo valorou ademais a sesión física na area como "un entrenamiento distinto que nos ayudará a llegar el inicio de la temporada en las mejores condiciones físicas".