Alba Souto, unha arxilista na concentración nacional infantil
Por Redacción
Guadalajara acolleu entre os días 1 e 3 de agosto a Operación Talento 2014 da Federación Española de Baloncesto con presenza dunha xogadora pontevedresa.
Na concentración, primeira cita nacional para xogadoras en idade infantil, estivo presente Alba Souto, do Club Baloncesto Arxil.
Alba, xunto a outras tres xogadoras galegas, foi convocada á cita tras protagonizar un grande ano co club verde.
De entre as 50 nenas participantes a responsable técnica, Elena Lahoz, elixirá as xogadoras que o próximo verán disputarán o Torneo BAM. Tras esta cita o reto será o Torneo da Amizade e o debut en competición oficia no Europeo U16 de 2017.
No caso da pontevedresa, os adestramentos en Guadalajara supuxeron unha boa oportunidade para darse a coñecer e seguir mellorando no seu xogo: "Al ver a las otras niñas, que juegan tan bien, te obliga a esforzarte más y a hacerlo mejor, y eso me gusta. Ojalá cuenten conmigo en el futuro, yo me voy a esforzar para seguir mejorando", declarou Alba á súa chegada á cidade de Lérez.