Lucía Vázquez busca en Palencia afianzarse no podio do Open de España
Por Redacción
A falta de dúas probas para a conclusión do Open de España 2014, Lucía Vázquez quere manter o seu terceiro posto na xeral e achegase á cabeza da clasificación cun bo resultado nos Internacionais Montaña Palentina-Trofeo Diputación de Palencia de cross country.
A ciclista de Vilaboa suma 508 puntos na xeral, polos 706 de Sandra Santanyes e os 707 de Anna Villar.
Ademais Lucía busca recuperar o seu mellor estado de forma tras un arrefriado que minguou o seu rendemento na Copa do Mundo pensando xa noutro dos principais obxectivos da tempada, o Campionato de España do próximo mes de xullo.
En canto á cita do Open de España, na localidade de Aguilar del Campo, a competición iniciarase o sábado cunha contra o reloxo e continuará na mañá do domingo cunha carreira nun circuíto situado xunto ao encoro do municipio palentino.