Non puido o Poio FS co FSF Rioja (1-4) na despedida ante o seu público
Por Redacción
Partido de despedida da afección do Poio FS, que pechará a tempada nun meritorio noveno posto, a falta do último partido ligueiro, pero que non puido brindar á súa fiel inchada unha vitoria como tivese desexado fronte a un FSF Rioja que cos tres puntos mantén a sexta posición.
As rioxanas adiantáronse moi pronto no marcador, grazas a unha saída máis intensa que a do conxunto local. Eva Ortega adiantaba o seu equipo aos dous minutos de partido, culminando unha boa xogada ofensiva. Shiori ampliaba a renda mediada a primeira parte nun roubo de balón e á contra.
O Poio FS metíase no partido grazas a un gol de Charo, que aproveitou un rexeitamento en curto de Jéssica a disparo de Ceci, pero na segunda parte, malia que o Poio intentou premer máis en busca do empate, serían as visitantes as que lograrían dous novos goles, un por medio de Eva Ortega, despois dun roubo de balón en metade de cancha e o último de Carmen, na recta final de libre indirecto ao bordo da área.
Marcio quixo premiar as súas xogadoras polo excelente traballo de toda a tempada, dando minutos en pista ás súas xogadoras menos habituais, que recibiron o aplauso dunha afección que recoñeceu a excelente tempada realizada no seu debut na máxima categoría.
POIO FS (1): Carmen; Charo, Claudia, Ceci, Elena -cinco inicial-, Nerea, Kiko, Peke, Tania, Yoly, Paloma e Silvia.
FSF RIOJA (4): Jéssica; Carmen, Bea Martín, Eva Ortega, Shiori -cinco inicial-, Lara, Bea Ascacíbar e Cristina.
Árbitros: Outeiro Baltasar e Castro Maqueira (Galicia). Sen amoestacións.
Goles: (0-1) Minuto 2: Eva Ortega. (0-2) Minuto 12: Shiori. (1-2) Minuto 16: Charo. (1-3) Minuto 29: Eva Ortega. (1-4) Minuto 38: Carmen.
Incidencias: Pavillón Municipal da Seca (Poio). Uns 550 espectadores.