Pasarón acollerá o Lituania-Dinamarca do torneo sub-19 o 5 de xuño
Por Redacción
O estadio municipal de Pasarón será a sede do encontro Lituania-Dinamarca do torneo internacional sub-19, que se disputará a finais deste mes e principios de xuño entre Pontevedra e Vigo.
O encontro que se celebrará en Pontevedra será o 5 de xuño ás 20:30 horas e a entrada única ten un prezo de 5 euros.
O presidente da Deputación Provincial, Rafael Louzán, e a Fundación Celta de Vigo asinaron un convenio de colaboración durante a mañá deste luns 19 para desenvolver nos estadios de Balaídos e en Pasarón. O minitorneo Elite UEFA sub 19 é clasificatorio para o Mundial sub-20 que se celebrará no 2015 en Nova Zelandia.
Nesta competición participarán as seleccións de Lituania, Dinamarca, Alemaña e España. O presidente do Celta de Vigo, Carlos Mouriño, destacou a importancia deste torneo porque "si España no se clasifica primera, no irá al Mundial y, si se clasifica segunda, tendrá en su mano la clasificación para el Europeo".
Pontevedra non poderá acoller máis partidos deste torneo porque se realiza en sede única e, só en caso de coincidencia de horarios na última xornada, dispútanse partidos noutros estadios.