Xogadores e directiva do Arosa liman asperezas
Por Redacción
Os últimos resultados negativos obtidos polo Arosa en Liga, especialmente a derrota da pasada xornada ás mans do Grixoa, sentaran moi mal á directiva arlequinada, por entender que o equipo baixara os brazos, perdendo a necesaria tensión competitiva ao ter asegurada a permanencia, e quedar sen posibilidades reais de seguir loitando polos primeiros postos.
A situación xerara tensión entre directiva e xogadores, ata o punto que o presidente arosista, Manolo Abalo, fixo pública a intención dos xestores da entidade de conxelar as primas pactadas por partido gañado, en tanto non se apreciase un cambio de actitude nos futbolistas á hora de afrontar os partidos, en respecto aos seus afeccionados e patrocinadores.
Pero esta contundente medida foi retirada tras a reunión mantida polo propio Manolo Abalo, xunto co vicepresidente económico, Félix Acuña, a última hora da tarde do mércores, cos xogadores do primeiro equipo do Arosa e na que ambas as dúas partes analizaron o sucedido nos últimos partidos de Liga.
Na devandita reunión, o equipo mostrou a súa "voluntad unánime de seguir trabajando al máximo nivel, como ha venido haciendo desde el primer encuentro".
Pola súa banda a directiva recoñeceu o equipo que "ha realizado una temporada extraordinaria y pidió que se siga trabajando como hasta ahora, para que no disminuya la ilusión que han conseguido generar en los aficionados".
Os xogadores que adestra Piscis aseguraron aos dirixentes arlequinados "que no habían bajado ni un ápice sus ganas, pero también reconocieron que el cansancio físico a estas alturas de la temporada y el gran número de lesiones registradas en lo que va de ejercicio, pudieron haber afectado al rendimiento del equipo".