Un gol de Buba dá aire ao Grixoa a custa dun Arosa en declive (1-0)
Por Redacción
Demasiadas baixas nas filas arlequinadas e menos ambición. Un Arosa sen problemas clasificatorios visitaba a cancha dun Grixoa en alza, que intenta recuperar terreo e conseguir unha salvación que se antollaba imposible non hai moito. A diferente motivación deixouse notar e os composteláns quedaron cos tres puntos, ante a pasividade dos de Piscis, aos que a falta de obxectivos lles fixo baixar os brazos neste tramo final da tempada.
Os de Javier Oreiro aproveitaron un gol de Buba superada a hora de xogo, para conseguir a vitoria de forma merecida, nun partido con poucas ocasións de perigo.
Tras o tanto, os locais repregáronse defendendo a vantaxe obtida sen maiores angustias, e con soltura fronte a un rival que apenas inquietou.
SD GRIXOA (1): Brais; Pintado, Dani Conde, Cholo, Adrián Padrón, Diego Peña, Rubén (Dani Moto, min. 60), Tato, Buba, Losada (Brais Calvo, min. 46) e Caldeirón (Mon, min. 60).
AROSA SC (0): Alex Vila; Santi (Cheri, min. 65), Álex Freire, Martín (Jesu, min. 56), Munín, Pablo, Rivas, Rubén Martínez, Eloy Fariña, Jonathan (Quique Cubas, min. 65) e Nando.
Árbitro: ÿscar López Fernández (A Coruña), auxiliado nas bandas por Luis Taboada Dafonte e Carlos Suárez Lamas. Amoestou a Losada polos locais, e a Álex Freire polo conxunto arosista.
Goles: (1-0) Minuto 63: Buba.
Incidencias: Campo Municipal de Santa Isabel (Santiago de Compostela).