Máis de mil ciclistas participan na I Ruta BTT Cidade de Pontevedra
![Diego](/web/cache/scene/uploads/xornalistas/foto/e0f/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/57c3f9decc-img-20160829-wa0030.jpg)
Por Diego Torrado
A I Ruta BTT Cidade de Pontevedra venceu á chuvia de primeiras horas da mañá deste domingo 30 de marzo e máis de 1.000 ciclistas afeccionados sumáronse á celebración desta proba organizada polo Club Ciclista Farto.
Os participantes saíron da Avenida de Monteiro Ríos para dirixirse ata a Praza de Galicia e en Estrigueiras iniciar a suba ata Castiñeiras e Cotorredondo para descender por Blanco Amor ata o centro da cidade e concluír a proba na Alameda.
Desta forma cubriuse o obxectivo dunha Ruta que se centraba en animar os seguidores da bicicleta de montaña a participar neste percorrido de 35 quilómetros, coa intención de que se poidan seguir organizando futuras edicións con percorridos máis complicados.