A marinense Lorena Patiño coróase no Campionato de España de XCO
Por Redacción
Lorena Patiño segue a escribir páxinas destacadas no seu palmarés a nivel nacional, e é que a ciclista marinense conseguiu o que é o seu terceiro título estatal consecutivo de Cros Country Olímpico (XCO).
Foi o primeiro na categoría júnior, ao impoñerse no Campionato de España celebrado este domingo en El Almendro (Huelva).
A ciclista do XSM de Marín mostrouse intratable na súa categoría, dominando a proba con autoridade de principìo a fin para completar o percorrido en 1 hora, 17 minutos e 20 segundos, con 3'43'' de vantaxe sobre a segunda clasificada, a andaluza Ana María Mena. Terceira foi Mónica Estrada (A Rioxa).
Na carreira júnior feminina participaron tamén con resultados destacados Aroa Otero (Supermercados Froiz), cun quinto posto, e Marta Estévez (XSM) que foi novena. Compartiron carreira ademais coa categoría elite, na que a grovense Lara Lois defendía título asinando o sexto posto final.
O ciclismo galego celebrou ademais a medalla de prata do ourensán Alejandro García na proba júnior masculina, mentres que Jorge Aguín (Moto Bike) foi tamén segundo na categoría máster-40.