Elena Aragón renova para continuar unha terceira tempada co Poio Pescamar
![Anxo](/web/cache/scene/uploads/xornalistas/foto/022/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/6683d39821-a.jpg)
Por Anxo Lourido
O Poio Pescamar de Fútbol Sala confirmou a renovación de Elena Aragón de la Torre (Chiclana de la Frontera, Cádiz, 25/09/1995), quen continuará no equipo por terceiro ano consecutivo.
A xogadora gaditana foi unha peza clave no equipo, destacando pola súa constancia e rendemento na cancha.
Durante a pasada tempada, Elena foi unha das tres xogadoras que disputaron todos os partidos (xunto a Martita e Rocío Gómez, xa ex xogadora do equipo).
Dos 40 partidos xogados, a ala-pivot foi titular en seis, acumulando un total de 6 goles e 4 asistencias. Ademais, foi a xogadora que máis tarxetas amarelas recibiu, cun total de 13.
O club expresou a súa satisfacción por manter a Elena nas súas filas, valorando a súa achega tanto nos partidos como no bo ambiente do equipo.