O Nacional Sub-18 de Atletismo, unha "competición especial" para estrear a renovada pista do CGTD
Por Diego Espiño
"Había unha década que non se celebraba en Galicia un Campionato de España ao Aire Libre", recoñeceu este xoves o presidente da Federación Galega de Atletismo, Iván Sanmartín, na presentación do Campionato de España Sub-18 por Federacións Autonómicas.
Será Pontevedra a encargada de poñer fin a esa etapa sen grandes campionatos, concretamente a renovada pista de atletismo do Centro Galego de Tecnificación Deportiva (CGTD) na que "nos hemos gastado 400.000 euros", afirmou á súa vez o secretario xeral para o Deporte da Xunta de Galicia, José Ramón Lete.
Ambos os dous, xunto á edil de Deportes da cidade Anabel Gulías e o pontevedrés Santi Ferrer como representante da xunta directiva da Real Federación Española de Atletismo, presentaron un campionato que terá lugar este sábado 22 de xuño nunha única sesión de tarde, con inicio ás 17.00 horas e conclusión ao redor das 21.20 horas.
Trátase de "unha competición especial", sinalou Sanmartín ante as promesas do atletismo galego e español que competirán na Boa Vila, unha cidade por outra banda que segundo avanzou a concelleira de Deportes inicia "unha aposta a medio prazo" por atraer eventos atléticos de alto nivel.
En total inscribíronse no Campionato de España 376 atletas de 17 comunidades autonómas (todas salvo Ceuta e Melilla), dos que 22 serán galegos.
Relacionadas:
-
Pontevedra coroa a Andalucía no Nacional Sub-18 de Atletismo máis igualado da historia
Por Almu Dapena & Cristina Saiz |
-
Volta a normalidade no CGTD tras o fin das obras na pista de atletismo
Por Diego Espiño |
-
Clubs e atletas, obrigados a buscar alternativas para adestrar polas obras na pista do CGTD
Por Diego Espiño |
-
Conceden a Pontevedra a organización do Campionato de España Sub-18 de Atletismo por Autonomías
Por Diego Espiño |