Támara Echegoyen: "Afronto estes Xogos co grao da experiencia, pero coa mesma emoción que os anteriores"
Por Diego Espiño
Cada vez queda menos para afrontar a gran cita do deporte internacional do ano, uns Xogos Olímpicos nos que Támara Echegoyen volverá ser unha das bazas do equipo nacional para pelexar polas medallas.
É por iso que a campioa en Londres 2012 (no Match Race) e cuarta en Río 2016 e Tokyo 2020 (en 49er FX), foi unha dos deportistas presentes este martes no acto celebrado pola Asociación Deportes Olímpicos (ADO) na sede do Comité Olímpico Español.
Tratábase dun evento cuxo obxectivo era agradecer ás empresas colaboradoras do proxecto ADO o seu apoio para financiar as bolsas a deportistas.
No acto Echegoyen pronunciou unhas palabras sobre como chega á cita olímpica de París, asegurando que "afronto estes Xogos co grao da experiencia, pero coa mesma emoción que os anteriores".
"Todos estamos aquí por un obxectivo e a aposta de percorrer o camiño xunto aos deportistas é única", sinalou a regatista pontevedresa.
Támara foi ademais una das deportistas que participou na presentación do equipamento oficial que lucirá o equipo español en París 2024.
Relacionadas:
-
Támara Echegoyen: "As condicións de Marsella van abrir moito o cadro de países con opcións de medalla, pero estamos preparadas para loitar"
Por Almu Dapena |
-
Guía pontevedresa para seguir os Xogos Olímpicos de París 2024
Por Diego Espiño |
-
Támara Echegoyen, elixida como abandeirada de España para os Xogos Olímpicos de París
Por Diego Espiño |
-
Támara Echegoyen e Paula Barceló, sextas no Mundial
Por Redacción |
-
Támara Echegoyen colga o bronce no Europeo de Vilamoura
Por Diego Espiño |
-
A Federación Española confirma a praza olímpica de Támara Echegoyen para París 2024
Por Diego Espiño |
-
Támara Echegoyen e Paula Barceló clasifican a España para os Xogos Olímpicos de París
Por Diego Espiño |