Un venres de alumnos 'percorrendo Pontevedra' á carreira
![](/web/cache/scene/uploads/fotos/foto/cf5/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65fd7e9aad-20240322-patxot-carrera-popular-intercentros-1038.jpg)
© Mónica Patxot
![](/web/cache/scene/uploads/fotos/foto/478/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65fd7ebf1f-20240322-patxot-carrera-popular-intercentros-1039.jpg)
© Mónica Patxot
Estudantes dos institutos Sánchez Cantón, Valle-Inclán e do CEP Campolongo participaron este venres na segunda edición da Carreira Popular Intercentros, bautizada este ano como 'Percorrendo Pontevedra'.
Centos de alumnos botáronse á rúa para participar nunha proba organizada do IES Sánchez Cantón en colaboración co Grao Superior de formación profesional Técnico Superior en Ensino e animación Socio Deportiva TSEASD.
A carreira desenvolveuse nun circuíto que ocupou a Avenida Montero Ríos, a Alameda e o Parque das Palmeiras.
O obxectivo do día era promover a actividade física e o benestar entre os mozos ademais de ofrecer unha xornada lúdica ao aire libre e de convivencia ao estudantado pontevedrés.