Atoamento do Sanxenxo en Baltar de Arriba ante o Atios (0-1)
Por Redacción
Baltar de Arriba deixou de ser un fortín para o Xuventude Sanxenxo, que encadea xa tres xornadas sen gañar como local (dúas derrotas consecutivas) tras verse sorprendido por un sólido Atios (0-1).
Os visitantes tiraron de efectividade para acertar co gol na súa primeira ocasión do encontro, un tanto de Alberto Villar aos oito minutos que ao cabo lles resultou suficiente.
A partir dese momento o Atios encomendouse á orde defensiva ante un equipo amarelo que o intentou pero que apenas gozou dun par de boas ocasións para lograr a igualada.
A visión positiva da xornada para os locais é que malia a derrota se manteñen na segunda posición a un só punto do liderado, aínda que o Pontellas, terceiro, está agora a só tres puntos.
XUVENTÿ SANXENXO (0): Jose, Darío, Fiti (Diego Blanco, min.55), Fon (Cerqueiras, min.63), Tinaia, Javi, Muradás (Hugo, min.77), Cañi, Cuchi, Nel, Robert.
UD ATIOS (1): Calvar, Lira, Valiente, Piñeiro, Sombri, ÿscar Lago, Alberto Villar (Rubén, min.81), Groba, Curiel (Brais, min.68), Romilo, Roberto (Monzón, min.90).
Árbitro: González Franco (Ferrol). Amoestou ao local Cuchi e aos visitantes Piñeiro, Sombri, ÿscar Lago, Romilo e Roberto.
Gol: 0-1 Alberto Villar, min.8.
Incidencias: Partido disputado no campo de Baltar de Arriba, Sanxenxo.