O Arxil afúndese na segunda parte en Badajoz (82-63)
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Fíxoselle longo ao Arxil o seu partido en Badaxoz. Case tan longo como o desprazamento. As de Mayte Méndez foron vítimas da súa falta de acerto no lanzamento exterior, especialmente nos triplos (4 de 20 intentos), e cederon no terceiro cuarto, tras chegar ao descanso cunha mínima renda favorable.
Os dous primeiros cuartos foron moi nivelados. As pontevedresas conseguían parar o seu rival e mesmo se poñer por diante no luminoso. Pero o regreso dos vestiarios fixo cambiar a decoración. Un parcial de 25-13 no terceiro cuarto foi determinante para que as pacenses puidesen xogar con comodidade e ampliar a diferenza na recta final.
CAFÿ BARCO (82): María José Bolonio (24), Regina Gómez (10), Susana Albano (4), Alexis Castro (21), Larisse Milhomem (13) -cinco inicial-, Celia Cabrera e Anais Portillo (10).
CB ARXIL (63): María González (4), Ana Martín (9), Carla Fernández (15), María Lago (11), Minata Keita (16) -cinco inicial, Andrea Carrera, Jara Tuda (2), Estefanía López (2) e Sandra Entenza (4).
Árbitros: Rastrollo García e Grande Claver (Extremadura).
Marcadores parciais: 17-15, 15-19 (32-34, descanso), 25-13 (57-47) e 25-16 (82-63, final).
Incidencias: Pavillón La Granadilla (Badaxoz).