Lydia Pérez cae nos oitavos de final do Campionato de Europa en Bucarest
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
A primeira gran competición internacional da tempada non resultou do todo positiva para Lydia Pérez Touriño.
A deportista pontevedresa viaxou ata a capital romanesa, Bucarest, para tomar parte do Campionato de Europa Absoluto, cita marcada dentro do seu calendario antes de afrontar os preolímpicos de París 2024.
Con todo, a representante do Club Loita Pontevedra non logrou pasar dos oitavos de final na súa categoría (-62 quilos), ao verse superada no seu primeiro combate pola sueca Johanna Lindborg.
Lydia cedeu por un tenteo final de 11-2 fronte á súa rival, á que coñece ben tras compartir adestramentos e que tamén a eliminou no Mundial de 2022.
Tras a súa derrota á pontevedresa quedaba á espera de ver que facía á súa opoñente no cadro coa esperanza de entrar na repesca polo bronce prevista para este venres día 16.