O Pontevedra B sobreponse ás baixas e dá a sorpresa gañando (1-0) ao Gondomar
Por Redacción
Ata catro importantes baixas tiña o Pontevedra B para un partido complicado, fronte a un dos aspirantes ao ascenso como o Gondomar. Blas Charlín non podía contar con Marou, Kevin Presa, Emilio e Víctor, pero o filial soubo sobrepoñerse a esas baixas e conseguir unha importante vitoria, contra prognóstico, que lle afianza na zona morna da táboa.
Foi un partido disputado, pero con pouco fútbol e menos oportunidades de gol. O Gondomar decepcionou e non xustificou a súa privilexiada posición, ben suxeito sempre polo equipo local, que conseguía na recta final do partido o tanto da vitoria ao rematar Félix unha xogada por banda.
Os visitantes intentárono nos últimos instantes, pero o seu fútbol limitouse a colgar balóns á área, que non inquietaron demasiado á zaga local.
PONTEVEDRA B (1): Adrián; Uru, Alves, Dani Adán, Collazo, Héctor, Puyi (Adrián, min. 62), Paco, Ismael (Pedro, min. 86), Diego (Josua, min. 89) e Álex Cuesta (Félix, min. 52).
GONDOMAR CF (0): Jacobo; Carlos, Adrián, Arán, Lema, Tizón, Silvio (Cela, min. 86), Ferro (Moreno, min. 50), Breixo, Manu (López, min. 88) e Hugo.
Árbitro: Hernández González (Ourense), auxiliado nas bandas por Jardón González e Mazaira Rodríguez. Amoestou aos granates Uru, Héctor e Diego.
Goles: (1-0) Minuto 82: Félix.
Incidencias: Sintético da Xunqueira (Pontevedra). Uns 75 espectadores.