O arousán Óscar Marcos recibe a chamada da Selección Española Sub-18
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Óscar Marcos Santamaría vai queimando etapas dentro das categorías inferiores da Selección Española.
O centrocampista de Vilaxóan, formado desde idade temperá na canteira do Celta de Vigo, recibiu este mércores a chamada da Selección Española Sub-18.
É a segunda vez que o arousán é convocado polo equipo nacional desta categoría, tras pasar antes pola Sub-16 e a Sub-17.
Nesta ocasión Óscar Marcos é un dos 20 xogadores convocados polo seleccionador nacional sub-18, David Gordo, para o partido internacional amigable que España xogará fronte a Italia o vindeiro mércores 17 de xaneiro (18.00 horas) na Cidade do Fútbol das Rozas.
Todo un premio ao seu papel protagonista no equipo xuvenil A de o Celta, líder do Grupo 1 da División de Honra e na que xogou esta tempada ata a data todos os encontros como titular, sumando cinco goles.