A obra de Manuel Torres fomenta a capacidade creativa do alumnado do EEI O Grupo
Por Redacción
Estudantes do EEI O Grupo, o centro escolar situado na rúa Concepción Arenal, desenvolveron durante os últimos meses do curso un traballo de creación baseado na vida e a obra do pintor Manuel Torres.
A partir do martes 8 de xuño, as obras realizadas polos escolares poderán verse no Museo que leva o nome do artista marinense. Ao longo da mostra obsérvase como os menores exploraron propostas creativas baseándose nos traballos do pintor autodidacta.
Todos os grupos participantes escolleron o debuxo 'Dúas mulleres' para traballar propostas propias. Os de tres anos tamén exploraron os cadros 'Rapaza' e 'Barcos de vela'. Os de catro adaptaron obras como 'Montes de Beariz', 'Praiolos' e 'Bosque'. Pola súa banda, os de escolares de cinco anos reproduciron 'Autorretrato', 'Bodegón I', 'Bodegón II' e a escritura 'Cabeza de neno'.
Utilizando estas bases, os novos pintores realizaron de maneira espontánea unha recreación dos traballos que sorprenderán aos visitantes, segundo explicou a concelleira Itziar Álvarez.
Para a montaxe da exposición, o Museo Manuel Torres permanecerá pechado ata a inauguración o martes 8. A mostra manterase aberta durante quince días.
Relacionadas:
-
Escolares de Marín visitan o Museo Manuel Torres polo 120 aniversario do nacemento do pintor
Por Redacción |
-
Un cadro restaurado e un vídeo para celebrar o 120 aniversario de Manuel Torres
Por Redacción |
-
Na procura dos novos Manuel Torres
Por Redacción |
-
Os pequenos da Escola Infantil O Grupo inspíranse no Museo Manuel Torres
Por Redacción |