'Cisne Negro' de Darren Aronofsky, terceira sesión do ciclo 'O Oficio de Vivir'
Por Enrique Morales
Pasado o ecuador do mesmo, chegamos á terceira sesión do ciclo de cinema 'O Oficio de Vivir', no que se explora o método privilexiado que teñen os mecanismo da narrativa cinematográfica para plasmar temas sobre saúde mental.
A cinta que que se proxectará este xoves 13 será 'Cisne Negro', de Darren Aronofsky. O evento, que terá entrada de balde, comezará ás 19.00 no Teatro Principal.
'Cisne Negro' é unha cinta de terror psicolóxico no que seguimos a historia de Nina Sayers, uha bailarina da compañía de ballet de New York que loita por un posto na representación de O Lago dos Cisnes. Ela, unha meticulosa profesional, descenderá nunha espiral de locura ante as presións da súa autoritaria nai e o abusivo director da compañía, que lle anima a liberar o seu lado escuro se se quere facer co papel.
Atopámonos ante un relato sobre a locura pero tamén sobre a alta esixencia e competitividade no ámbito profesional e como estes nos afectan ata o punto de comprometer a nosa integridade. Natalie Portman deu vida á protagonista cunha visceral interpretación que lle valeu o Oscar á mellor actriz en 2011.
Ficha
Título: Cisne Negro
Director: Darren Aronofsky
Año: 2010
País: Estados Unidos
Duración: 108 min.
Relacionadas:
-
‘Sete días de maio’, un thriller político para o ciclo ‘Entre Tebras’
Por Enrique Morales |
-
'Diaro íntimo de Adele H.', un relato de obsesión para o ciclo 'O Oficio de Vivir'
Por Enrique Morales |
-
O ciclo sobre cine e saúde mental 'O oficio de vivir' arranca este xoves con 'A habitación do fillo'
Por Enrique Morales |
-
Un ciclo analizará no Principal como o cine reflicte a saúde mental
Por Redacción |