A Asociación de Amigas e Amigos do Museo de Pontevedra ingresa na FEAM
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/5ff/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5c0ff695ad-58767b61b4-20170111-patxot-amigos-museo-008.jpg)
© PontevedraViva
A xunta directiva da Federación Española de Amigos dos Museos (FEAM) aprobou a inclusión neste organismo da asociación de Amigas e Amgios do Museo de Pontevedra (AMUPo), unha entidade que preside Ernesto Vázquez-Rey.
Esta decisión será ratificada durante o XXVII Congreso Nacional de Amigos dos Museos, que se vai celebrar en Girona entre os días 5 e 7 de abril do vindeiro ano. A este congreso asistirán representantes da asociación pontevedresa.
AMUPo considera esta aceptación un paso importante na traxectoria da entidade ao ser recoñecida a utilidade da asociación como dinamizadora cultural. Con este ingreso, establecerán conexión con outras 107 asociacións e fundacións que manteñen relación con outros museos da xeografía española.
O obxectivo é protexer e divulgar o patrimonio público. Ademais, os integrantes de AMUPo contarán agora coa posibilidade de entrar de forma gratuíta en máis de 30 museos e entidades culturais.