Ana Torrent e Carmelo Gómez inauguran a nova tempada de teatro de Afundación
Por Redacción
Afundación pon en marcha unha nova tempada de teatro e faino con "Todas las noches de un día", unha obra de Alberto Conejero, dirixida por Luis Luque e interpretada por Ana Torrent e Carmelo Gómez.
Esta produción teatral poderase ver o vindeiro sábado 29 de setembro, a partir das 21.00 horas, no auditorio da Sede Afundación de Pontevedra.
ASÍ É "TODAS LAS NOCHES DE UN DÍA"
Rodeado de urbanizacións, nalgún lugar preto de nós sobrevive un vello xardín co seu invernadoiro. Pero pasou moito tempo desde que os veciños viron por última vez a Silvia, a dona da casa. Alí só queda Samuel, o xardineiro, afanado en preservar ese recuncho esquecido.
"Todas las noches de un día" cando a policía acode á casa para tentar descubrir o paradoiro de Silvia. Empeza entón un combate entre a vida e os recordos, entre o amor e as súas pantasmas.