Os Cantos de Taberna, en Pontevedra máis cedo que nunca
Por Redacción
A partir de este venres 27 de xaneiro, volven os Cantos de Taberna a Pontevedra. Esta actividade cultural chega na súa sexta edición más cedo que nunca, segundo destacou a concelleira de Festas, Carme da Silva, na súa presentación.
"O obxectivo é que prenda o hábito de cantar", subliñou Da Silva, que recordou que para participar nesta iniciativa "non hai que cantar ben senón querer cantar".
Manuel Espiño, portavoz do grupo Maravallada -impulsor desta actividade-, recordou que os Cantos de Taberna, pequenas actuacións que se realizan polos bares e tabernas do centro histórico da cidade, teñen como fin "recuperar o canto tradicional".
A primeira cita desta nova andaina será nos bares Milano e Maristas, a partir das nove da noite, da man de Os Firrás.
O ciclo se completa coas actuacións de Maravallada no Brasilia e no Machuco o 24 de febreiro, de Os Perucos no Novo Viñedo e no Trasno o 31 de abril, Os Salghariteiros no Saudade e no Timón o 28 de abril e Os do Clarete no Reixas e na Navarra o 26 de maio.