O Festival das Núbebes conquista aos máis pequenos da casa
Por Diego Torrado
É só a súa cuarta edición, pero está máis que consolidado na programación de eventos da cidade a teor da gran acollida que tivo un ano máis.
O Festival das Núbebes protagonizou durante a fin de semana as súas primeiras actividades, contando coa participación dun bo número de familias.
O festival de artes escénicas para bebés e familias ofrece propostas de teatro, contos, danza, música ou talleres que fixeron as delicias dos máis pequenos da casa.
Núbebes aínda contará cunha segunda fin de semana de actividade, os días 23, 24 e 25 de setembro, nos diferentes especios habilitados.
Entre as citas máis esperadas polos nenos atópase a guerra de almofadas convocada o sábado 24 (12:45 horas) na Praza do Teucro.
Ademais, debido ás eleccións autonómicas, o domingo 25 toda a actividade estará centralizada no Pazo da Cultura.