A coral Aita Garayoa, en Pontevedra o próximo 25 de xuño
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O auditorio de Afundación en Pontevedra acollerá o vindeiro sábado 25 de xuño, a partir das oito e media da tarde, un recital da coral vasca Aita Garayoa.
No concerto, esta agrupación interpretará un repertorio composto por diversos estilos e épocas: desde a polifonía do século XVI e posteriores, ata o folclore vasco e universal, a música relixiosa e as arias de ópera, da man de compositores tan diferentes como Haendel, Javier Busto, Julio Domínguez ou Paul McCartney, entre outros.
A asistencia é libre e gratuíta, previa retirada de invitacións nas instalacións de Afundación a partir do próximo luns día 6.
Esta coral, fundada en 1986 por un grupo de pais de alumnos do Colexio San Ignacio de Loyola de San Sebastián baixo a dirección de José Antonio Sáinz Alfaro, é un coro de voces mixtas, formado por cincuenta compoñentes e dirixido por Iñaki Cárcamo.
O seu repertorio abarca máis de cen cancións de diversos estilos: desde polifonía do século XVI e seguintes, ata o máis variado folclore vasco e universal, así como coros de zarzuelas, de películas e outras variedades do canto coral.
Desde a súa posta en marcha, realizou numerosos concertos e obtivo importantes recoñecementos en diferentes certames.