A marinense Nazaret Troitiño presenta 'Hija de una misma guerra'
Por Redacción
'Hija de una misma guerra' é o título da novela da escritora de Marín, Nazaret Troitiño. Trátase do primeiro volume dunha triloxía que se presenta como 'A memoria do sangue', que terá a súa continuidade cunha segunda entrega baixo o título 'Hija de la venganza'.
Esta primeira obra ofrécese como unha novela de segredos e de intriga na que a protagonista, Victoria Donato, coñece a verdade da súa orixe a través do seu avó, que lle encomenda a misión de manterse a salvo dunhas familias que a perseguen para conseguir o seu corazón e o poder absoluto. O personaxe principal descubrirá o seu pasado, relacionado coa mafia e enfrontarase a conflitos morais, entre a traizón e o amor.
Nazaret Troitiño é unha autora de 33 anos que desenvolveu a súa afección pola literatura durante unha longa convalecencia por enfermidade cando era pequena. Con 18 anos ingresou no exército e foi destinada durante un ano en Iraq desempeñando labores de axuda humanitaria.
Estas experiencias provocaron que cambiase a súa visión do mundo e, ao regresar ao seu fogar, unha perda familiar levoulle a plasmar por escrito os seus sentimentos a través de 'Hija de una misma guerra'.
A presentación será este venres 3 a partir das 20.30 horas en el Ateneo de Marín, dentro da programación dos 'Venres do Ateneo'.