A Gran Gala Lírica abre o I Festival Internacional de Ópera Cidade de Pontevedra
Por Mónica Patxot
A Sede de AFundación de Pontevedra acolleu na noite deste luns 22 de febreiro a Gran Gala Lírica coa actuación da Orquestra e Coro da Internacional European Filharmonía, que interpretou fragamentos das óperas máis coñecidas entre o gran público: Carmen, A Bohème, Aida, O barbeiro de Sevilla, A Traviata, Nabuco e Turandot.
As sopranos Verónica Tello, Tatiana Virlan e Rodica Piceranau; os barítonos Vladislav Lisak e Pedro Carrillo e o baixo Luri Marinescu ofreceron un recital que gustou aos afeccionados á ópera.
Desta forma iniciouse o I Festival Internacional de Ópera Cidade de Pontevedra, que terá continuidade o próximo 7 de marzo coa representación de Rigoletto, a ópera máis recoñecida de Verdi. O Teatro Nacional da Ópera de Moldavia será a agrupación encargada de presentala no escenario de AFundación.
Relacionadas:
-
Traxedia e homenaxe no II Festival de Ópera de Pontevedra
Por Antía Fernández Buján |
-
Rigoletto pon fin ao primeiro festival de ópera Cidade de Pontevedra
Por Mónica Patxot |
-
Welcome to Rigoletto, da Ópera Nacional de Moldavia
Por Redacción |
-
Verónica Tello, soprano: "En España é moi difícil acceder aos grandes teatros, dan moi poucas oportunidades"
Por Alejandro Espiño & Mónica Patxot |