Pontevedra acolle un documental sobre o teatro galego
Por Redacción
A proxección documental 'O que hai que facer para non ir ao mar. Unha viaxe a través do teatro galego' chega ao Teatro Principal de Pontevedra. A través da mirada de Uxía Vázquez, os espectadores percorrerán a evolución do teatro galego desde a década dos 60's ata finais dos 90's.
A protagonista, Uxía, é filla de dous actores galegos xa falecidos, Tuto e Mariajo. Vinculada ao teatro desde pequena decide coñecer un pouco máis acerca da vida dos seus pais. Para iso, penetrarase no seu mundo grazas a algúns compañeiros teatrais dos seus pais: Agustín Veiga, Xosé Vilarelle ou Amparo Gómez, entre outros.
A documental conta coa dirección de Iago Vázquez Mosteiro e está formado por un equipo técnico cunha mesma característica común: o interese polas artes escénicas. Previamente á estrea, a finais de 2014, realizouse unha campaña de crowfunding.
Os interesados poderán acudir a esta cita documental co teatro galego ás 21.00 horas o xoves 25 no Teatro Principal. A entrada será gratuíta ata completar aforamento.