O Trasno Novo Teatro, protagonista da primeira xornada de PoioEscena 2016
Por Redacción
A Comunidade de Montes de Combarro acolleu este sábado a primeira xornada de PoioEscena 2016, con protagonismo para O Trasno Novo Teatro.
A compañía viguesa representou a obra 'Consuelo', un traballo que profunda sobre a figura da muller na posguerra.
Ademais, aproveitando a súa presenza na primeira xornada do ciclo teatro que promove a Concellaría de Cultura do Concello de Poio, O Trasno Novo recibiu o recoñecemento honorífico á obra de teatro máis valorada polo público durante a pasada edición.
PoioEscena conta este ano con seis citas a última fin de semana de cada mes. Tras a de Combarro, a próxima representación terá lugar o sábado 27 de febreiro no Centro Cultural Xaime Illa de Raxó, coa obra 'Falando de Carros' da compañía Atlática de Matamá.