Eduardo Aldán presenta no Auditorio "Espinete no existe" unha comedia sobre a infancia
Por Redacción
Tras o descanso de Nadal, o teatro nacional regresa ao Auditorio Municipal en xaneiro da man do televisivo Eduardo Aldán e da comedia Espinete no existe. O espectáculo, que chega a Vilagarcía tras dez temporadas de éxito na Gran Vía madrileña, poderase ver o sábado 23 de xaneiro a partir das 21:00 horas.
As entradas xa están dispoñibles a 12 euros para as zonas A e B e a 10 para a C a través de Ataquilla.com (máis custes de xestión) e tamén se poderán adquirir o día da función na billeteira do Auditorio a partir das sete da tarde.
Espinete no existe é una comedia nostálxica e canalla sobre a nosa infancia e as pequenas cousas que marcaron a varias xeracións.O material escolar, as lambetadas, os xoguetes ou a televisión son algúns dos temas cos que o espectador se sentirá completamente identificado. O espectáculo é todo unha viaxe ao pasado a través da música, as imaxes e a comedia.
Eduardo Aldan trata durante 90 minutos de volver atrás no tempo para facer que a xente do público volva a sentirse neno outra vez, pero cunha curiosa perspectiva, descubrindo os aspectos máis escuros da nosa infancia.