O Grove convida a grupos locais e foráneos a competir no Centolo Rock
Por Redacción
Este venres 4 a partires das 20.00 horas o pavillón de deportes do Grove acollerá un concurso de bandas ou grupos musicais coa finalidade de darlle unha oportunidade a aqueles artistas que queiran dar a coñecer os seus traballos.
Segundo as bases difundidas, os únicos requisitos son non ter gravado un disco e que a lo menos un integrante do grupo sexa maior de 18 anos.
Os músicos deberán poder interpretar ata tres temas diferentes e serán valorados por un xurado composto por expertos que outorgará un premio de 300 euros ao grupo gañador.
As inscricións poderán formalizarse ata o xoves anterior mediante o envío dun formulario dispoñible na web do concello a: alcaldia@concellodogrove.es.