O Museo Provincial acolle un concerto do cantautor Luis Quintana
Por Redacción
O Museo provincial acolle, no marco do ciclo 'Domingos Musicais no Sexto', un concerto do cantautor canario Luis Quintana.
Este ciclo musical vénse celebrando cun concerto cada mes durante os últimos tres anos, coa intención de dotar de actividades culturais complementarias ao Museo de Pontevedra.
Luis Quintana ten cinco discos editados, sendo o máis recente o que leva por título Beinte años permiten una errata, gravado en directo na conmemoración dos seus vinte anos na música. No seu currículo musical figura que foi finalista de gran número de certames de canción de autor a nivel estatal, como o Cantigas de Mayo, o Certame de Burgos, ou o Certame de Elche. Gañou o XV Festival de Candelaria e o Piotemazo de Las Palmas.
Actualmente encárgase da sección La Cantactualidad do programa Hoy por Hoy na Cadena SER.