Peter Punk e Caxoto contacontos estarán no Ameixa Rock 2015
Por Redacción
A asociación Ameixa Rock, en colaboración coa Deputación de Pontevedra e o Concello de Vilagarcía, aumenta a súa oferta cultural para o festival "Ameixa rock" co obxectivo de chegar a un público máis cativo coas incorporacións de Peter Punk e Caxoto contacontos, estas actuacións levaránse a cabo pola tarde na Praza da Liberdade de Carril.
Peter Punk é un dos clowns e humoristas máis destacados e programados en Galicia nestes últimos anos. Gañador do Festiclown 2008, con xiras por Brasil, Italia, Portugal, Palestina, participante nas máis importantes citas de clown do Estado (Cataluña, Baleares, Madrid, Euskadi, Andalucía…).
Felipe Díaz (Caxoto) é a persoa que se atopa detrás do mostrador de A Trastenda dos Contos, un proxecto nado no 2012 que pretende ser o espazo onde a narración oral conflúa con outras disciplinas artísticas.
Tamén lembrar que a organización ten pechadas as actuacións para a noite de Ruxe Ruxe, Aquelarre e HEM (Hasta el Moño).
O festival Ameixa Rock celebrarase o vindeiro 5 de setembro en Carril.