O Museo organiza obradoiros infantís para crear cadros con pezas do traxe tradicional galego
Por Redacción
O Museo de Pontevedra acolle a exposición Vestidos con pincel, costuras con agulla. Traxes tradicionais galegos ata o 2 de agosto e como complemento a esta mostra, o público infantil poderá participar cun divertido obradoiro Viste o teu cadro!, que será impartido por persoal de creAPPcuentos.
Na actividade prevista, os nenos traballarán e xogará coa aplicación informática elaborada para esta proposta coa intención de crear os seus propios cadros colocando as pezas de traxe tradicional galego axeitadas para os personaxes.
CreAPPcuentos é unha ferramenta informática que naceu en Galicia para crear contos de forma sinxela e encárgase de levar a cabo catro sesións:
Sábados 13 de xuño, 20 de xuño e 4 de xullo:
- 11:30 - 13:00 h. Nenos de 5 a 8 anos
- 17:30 - 19:00 h. Nenos de 9 a 12 anos
Domingo 28 de xuño:
- 11:30-13:00. Nenos de 5 a 12 anos
O máximo de participantes será de 10 escolares por quenda. É necesario inscribirse previamente na secretaría do Museo ou a traves de secretaria.museo@depo.es ou a través do 986804100 – ext. 42436.