Chega á Praza de España: "ÿrase unha vez... a fala!"
Por Redacción
A Praza de España acolle estes días a montaxe dunha nova exposición da Obra Social La Caixa que leva como título "ÿrase unha vez.. a fala! ".
Segundo os organizadores a mostra abrirase ao público o próximo martes día 23 de setembro e está previsto que se manteña ata o día 21 de outubro.
A exposición "ÿrase unha vez... o fala! " cóntanos cando apareceu a capacidade de falar dos nosos antepasados e como deberon evolucionar determinadas partes do noso corpo como o cerebro, a larinxe ou o oído, entre outras- para facelo posible. Así mesmo, ensina cales son os aspectos esenciais que caracterizan á linguaxe humana e como este evolucionou, igual que o facemos nós.
Esta mostra invita os visitantes a reflexionar sobre algo tan usual, imprescindible e á vez tan complexo na nosa sociedade como é a fala.
E é que a comunicación existe mesmo en seres vivos microscópicos. Os animais comunícanse en distintos niveis e con diferentes complexidades e intensidades. Pero ter a capacidade de expresar os pensamentos e os sentimentos fronte aos nosos iguais é exclusivo do ser humano.