Un concerto conmemorará en Pontevedra o cuarto aniversario do falecemento de El Greco
Por Redacción
O Museo de Pontevedra súmase aos actos de conmemoración do IV centenario do falecemento de El Greco. Faino cun concerto que terá lugar este sábado 12 de xullo, a partir das 22.00 horas, no Sexto Edificio. Correrá a cargo do Grupo Altisidora, especializado en divulgar a vida e obra do pintor a través da música de compositores do Renacemento, combinada con relatos e proxección do seu traballo.
Altisidora é unha formación de Campo de Criptana (Ciudad Real), cuxo obxectivo primordial consiste na difusión da música e a literatura española, a través da realización de concertos e promoción de espectáculos literario-musicais.
Os seus membros son profesores de instrumentos de puga e guitarra en diferentes conservatorios e pertencen ou pertenceron a importantes agrupacións de pulso e puga como Orquestra de Laúdes Españois Roberto Grandío, Trío Assai, Nacional Ensemble, Dúo Carriazo-Mota ou o Quinteto Grandío.