Kepa Junquera, Santiago Auserón e Sés, protagonistas das postas de sol de Martín Códax
Por Redacción
Bodegas Martín Códax presentou 'Os Xoves de Códax', un ciclo de oito concertos de artsitas galegos de renome que, por terceiro ano consecutivo, permitirán descubrir aos asistentes novas formas de sentir e vivir os viños da adega. Desenvolveranse os xoves de xullo e agosto na terraza das Bodegas a partir das 20.30 horas, cunha duración aproximada dunha hora.
Este ano, o ciclo conta con algunhas novidades, xa que para poder asistir ao ciclo de concertos será necesario adquirir as entradas dende a nova tenda online de Bodegas Martín Códax. O custo será de 5 euros e os beneficios obtidos destinaranse a diferentes asociacións sen ánimo de lucro da zona. As entradas estarán dispoñibles á venda a partir do 9 de xuño.
Os concertos serán os seguintes:
3 de xulo: Kepa Junquera e Xabier Díaz
10 de xullo: Pentalfa
17 de xullo: Narf
31 de xullo: Iria Peña Trío. Flamenco
7 de agosto: Santiago Auserón e Sés
14 de agosto: Caxade
21 de agosto: The Lákazans
28 de agosto: Uxía y Antonio Zambujo coa colaboración de Sergio Tannus.
Os asistentes a estes concertos poderán gozar tamén dunha degustación dos viños de Martín Códax.