Un cento de fotografías gañadoras nos Premios á Xuventude exhíbense no Pazo Provincial
Por Redacción
Rafa Domínguez, vicepresidente da Deputación de Pontevedra, e o deputado de Cultura e Xuventude, Jorge Cubela, inauguraron este venres 4 unha exposición fotográfica no vestíbulo do Pazo Provincial.
A mostra recolle máis dun cento de instantáneas gañadoras das sete edicións dos Premios Provinciais á Xuventude.
Composta por 112 fotografías (18 individuais e 94 en 13 series fotográficas), a mostra reflicte o crecente interese da mocidade pola creación artística.
Domínguez destacou a "enorme calidade artística" das obras e animou aos mozos e mozas a seguir cultivando esta arte.
A exposición, que estará aberta ata o 31 de outubro, forma parte das actividades complementarias do encontro Pontevedra Literaria. Xuventude e Artes, que se celebrará os días 17 e 18 de outubro no Museo de Pontevedra.
O encontro Pontevedra Literaria contará coa presenza de escritores de prestixio como Héctor Abad Faciolince, Manel Loureiro e Arantza Portabales, entre outros.
Tamén participará Sandra Ferreiro García, gañadora do premio de narrativa dos Premios Provinciais á Xuventude en 2018, que acaba de publicar a súa primeira novela.
Relacionadas:
-
Unha exposición de novos artistas acompañará o encontro "Pontevedra Literaria. Xuventude e Artes"
Por Redacción |
-
O Pazo Provincial exhibirá os mellores traballos dos Premios á Xuventude
Por Redacción |
-
Convocan un concurso de pintura para a mocidade con motivo do encontro 'Pontevedra Literaria. Xuventude e Artes'
Por Redacción |
-
'Pontevedra literaria. Xuventude e Artes' fomentará en outubro a creación literaria da mocidade
Por Redacción |