Latin Jazz a ritmo da Savoy Club Big Band
Por Cristina Saiz & Anxo Lourido
Esta noite do xoves 15 de agosto, a Praza da Ferrería de Pontevedra vibrou ao ritmo do latin jazz coa actuación da agrupación coruñesa Savoy Club Big Band, no marco das Festas da Peregrina.
Co seu estilo inconfundible e unha posta en escena impoñente, a orquestra transportou ao público aos salóns de baile do Nova York dos anos 50, cunha coidada selección de temas que evocaban o esplendor das grandes orquestras de Tito Puente e Machito.
Baixo a dirección do mestre José Somoza, os 22 músicos que conforman a banda ofreceron un espectáculo cheo de elegancia e fortaleza.
Trompetas, trombóns, saxofóns, piano, contrabaixo e percusión uníronse á voz de tres cantantes para facer vibrar aos asistentes, que non puideron resistirse á maxia do mambo e o latin jazz.
Savoy Club Big Band, nacida en 2016 e premiada co galardón "Cantábrico Excelente" en 2022, demostrou unha vez máis por que se consolidou como unha das formacións máis destacadas do panorama jazzístico galego.
Este venres 17, o escenario da Ferrería será ocupado pola maxia do artista, cantareiro e bailador Mondra, a partir das 21.00 horas.
Relacionadas:
-
Demetrio Gómez fala de "sold out" para cualificar o éxito das Festas da Peregrina
Por Cristina Saiz & Anxo Lourido |
-
Tanxugueiras abarrota a Praza de España
Por Almu Dapena & Cristina Saiz |
-
Serán de circo na Ferrería
Por Redacción & Cristina Saiz |
-
Masiva inmersión emocional con Shinova nas festas de Pontevedra
Por Cristina Saiz & Anxo Lourido |
-
A Banda de Música de Salcedo enche de atractivo a avenida de Santa María
Por Cristina Saiz & Redacción |
-
O aire sonoro de Caamaño & Ameixeiras emociona na Ferrería
Por Cristina Saiz & Anxo Lourido |
-
Nil Moliner contaxia a súa enerxía e vitalidade ao público pontevedrés
Por Diego Espiño & Cristina Saiz |
-
Irmandade portentosa entre a Orquestra Sinfónica de Pontevedra e Tequexetéldere
Por Cristina Saiz & Anxo Lourido |