Unha fusión flamenca a cargo de Miguel Poveda e Miguel Lamas inicia 'Os Xoves de Códax'
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/9da/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6690faf861-_dsf5877.jpg)
© Martín Codax
![](/web/cache/scene/uploads/fotos/foto/b8a/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6690fb4e68-_dsf5884.jpg)
© Martín Codax
![](/web/cache/scene/uploads/fotos/foto/ce0/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6690fb6903-_dsf5947.jpg)
© Martín Codax
![](/web/cache/scene/uploads/fotos/foto/3d8/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6690fb9edb-_dsf5930.jpg)
© Martín Codax
A undécima edición do ciclo musical de Os Xoves de Códax comezou por todo o alto cunha fusión musical con notas flamencas onde o recoñecido batería Miguel Lamas, convidou a que o acompañase no escenario o destacado artista flamenco Miguel Poveda.
Miguel Lamas é un dos baterías máis recoñecidos e reputados do panorama musical español que toca a batería dende os 4 anos e que traballou con artistas e grupos como Dani Martín, Melendi, Pablo Alborán, Manuel Carrasco, Amaia Montero, Miriam Rodriguez, Abraham Mateo, Zahara, Raimundo Amador, en directo e no estudio.
Convidou a que o acompañase ao escenario o destacado artista flamenco, Miguel Poveda. Cunha carreira de 30 anos, Poveda recibiu, entre outros, o Premio Nacional de Música, a Cátedra de Flamencología de Jerez de la Frontera, a Medalla de Andalucía, e foi nomeado Fillo adoptivo de Sevilla e A Unión, e Fillo predilecto de Badalona.
Na súa obra discográfica destaca a fusión do flamenco tradicional con xéneros como a canción andaluza, o tango e a canción popular mexicana.
En 2024, presenta un novo disco que continúa explorando o flamenco e outras músicas populares, incluíndo composicións propias e textos de poetas como Lorca, Hernández e Rafael de León. Os seus concertos son coñecidos pola súa emoción, liberdade e improvisación propias do flamenco.
Cabe destacar o compromiso social destes concertos e que a recadación de cada Xoves terá asinada a unha ONG.
Neste concerto, a organización beneficiaria foi ACEM, Asociación Compostelá de Esclerose Múltiple, Parkinson, Ela e Outras Enfermidades Neurodexenerativas. Entidade sen ánimo de lucro que nace co fin de contribuír a mellorar a calidade de vida das persoas con esclerose múltiple, así coma a dos seus familiares e persoas coidadoras, integrando posteriormente ás persoas con ELA e ás afectadas pola enfermidade de Parkinson.
No seu Centro de Rehabilitación Integral, ACEM ofrece unha atención multidisciplinar a través dos servizos de fisioterapia, logopedia, atención psicolóxica, terapia ocupacional e preparación física. Ademais, informa, orienta e apoia cos servizos de traballo social e asistencia xurídica; desenvolve terapias complementarias coma pilates, golf adaptado e obradoiros artísticos e leva a cabo actividades de dinamización, divulgación e sensibilización.
Ao longo das dez edicións celebradas ata agora, os ciclos dos “ Os Xoves de Códax” recadaron máis de 220.000 euros, que foron repartidos entre diferentes asociacións solidarias da contorna máis próxima da adega e de Galicia.
Relacionadas:
-
O Galegote, sen premio nuns Martín Códax da Música que recoñecen a Guadi Galego, Terbutalina ou Mondra
Por Alejandro Espiño & Mónica Patxot |
-
Emilio Cao recibirá o galardón honorífico nos Premios Martín Códax da Música 2024
Por Redacción |
-
Xurxo Souto dirixirá en Pontevedra a gala dos Premios Martín Códax da Música 2024
Por Redacción |
-
Chamada para a música galega: abren as inscricións para os Premios Martín Códax
Por Redacción |