'Marinarte, do prato á tela' invita a revisar a relación entre cerámica e tecidos no Museo Manuel Torres
Por Anxo Lourido
Desde o 5 de xuño ata o 20 deste mes, o Museo Manuel Torres de Marín acolle unha mostra creativa para realizar experiencias en vivo.
Os colectivos PonteMateria e 'El de la mano de Luis Portas' presentan a exposición 'Marinarte, do prato á tea'.
Un proxecto innovador no que, entre diversos elementos decorativos, se crean pareos para pases de moda con pinceladas artesanais ao mesmo tempo que se escoita música.
Os organizadores convidan a calquera cidadán para pintar con tinta chinesa, de maneira individual ou colectiva, un prato durante a visita.
Marinarte preséntase como unha proposta para crear arte de maneira sinxela.
Estes colectivos de Marín están formados por pintores, escultores, ceramistas e músicos que teñen como obxectivo manter o "entusiasmo de vivir".
A mostra está aberta de martes a domingo en horario de 11.30 a 13.00 horas e de 18.00 a 20.00 horas.