Paco Nogueiras, O Mago Paco e Jara Ortiz ofrecen espectáculos en “Ler conta moito' de Bueu
Por Redacción
A concellería de Cultura e Bibliotecas organiza tres actividades dentro o programa 'Ler conta moito' para o mes de xuño nas bibliotecas de Bueu, Cela e Beluso coa intención de fomentar a lectura entre o público infantil.
A primeira será o espectáculo de Paco Nogueiras: 'Brinca vai! De aquí a acolá!', do músico Paco Nogueiras. Será o 6 de xuño e o artista ofrece cancións, animacións e interpretacións para os máis pequenos con ritmos divertidos.
O 12 de xuño chegará a actuación do Mago Paco no Parque Ramal dos Galos con 'Maxia divertida, cantamaxias'. Trátase dunha proposta con contos a través de xogos de maxia para público infantil e adulto con propostas divertidas.
O programa conclúe o 18 de xuño na Biblioteca Municipal de Cela coa obra 'Rosalía cantareira', de Jara Ortiz. A través dun taller musical, as persoas que asistan descubrirán poemas de Rosalía de Castro e ritmos procedentes da música tradicional coa utilización da pandeireta.
As actividades son de entrada libre e todas comezarán ás 18.30 horas.