Ultiman as bases para crear o Centro da Cultura Gastronómica Rías Baixas no Pazo de Quintáns
Por Redacción
O Concello de Sanxenxo traballa na preparación do prego para sacar a licitación o Centro da Cultura Gastronómica Rías Baixas, que terá a súa sede no Pazo de Quintáns.
O proxecto definitivo alcanza os 1,2 millóns de euros e céntrase nun espazo singular dentro das ofertas turísticas de Galicia. Terá carácter multidisciplinar coa intención de desenvolver o sector agroalimentario e culinario.
Está previsto, segundo o goberno local, que se establezan nove servizos.
1. Espazo exterior.
2. Bar-Restaurante-Tenda. Aquí as persoas que visiten o Centro da Cultura Gastronómica terán a oportunidade de degustar e comprar produtos gastronómicos locais de calidade. Incorporaranse elementos museo gráficos para coñecer viños, marisco, peixe, queixos e outros produtos das terras do Salnés.
3. Recepción. Un monitor ofrecerá imaxes atractivas para os visitantes e establecerase información coa axenda de actividades.
4. Aula de presentación de produtos. Espazo onde se celebrarán conferencias, seminarios ou cursos de formación.
5. Produtos de tempada. Un ámbito para mostrar o ciclo biolóxico dos alimentos e a avaliación da gastronomía tradicional.
6. Dieta atlántica, gastronomía e saúde. Será unha sala para ofrecer información sobre esta dieta baseada no peixe, marisco, froitas, hortalizas, lácteos, aceite de oliva e consumo moderado de carne.
7. Paisaxes con olor e sabor. Será a planta primeira e o espazo máis amplo do pazo. Aquí ofrecerase datos sobre a explotación agropecuaria e pesqueira en relación coa alimentación e a gastronomía. Distribuiranse contidos en cinco apartados: mar, costa e rías; ademais de cultivos e viñedos; e bosques e ríos.
8. A alquimia dos fogóns da "lareira" á indución. Aproveitarase a "lareira" que se atopa no pazo e analizarase a evolución na cocción de alimentos.
9. Aula de gastronomía / Entre tradición e innovación. Espazo museográfico que tamén ofrecerá un lugar como aula de gastronomía para realizar demostracións de cociña, catas e cursos.
Relacionadas:
-
Construcciones Castro Figueiro executará a segunda fase de rehabilitación do Pazo de Quintáns
Por Redacción |
-
Así será o futuro espazo multifuncional para eventos do Pazo de Quintáns
Por Redacción |
-
A reconstrución do peche do Pazo de Quintáns concluirá a mediados de xaneiro
Por Redacción |
-
O Pazo de Quintáns estreará os seus novos muros perimetrais en dous meses
Por Redacción |
-
Sanxenxo ultima sete actuacións para mellorar os exteriores do Pazo de Quintáns
Por Redacción |