Ence solicita oficialmente unha prórroga para seguir en Lourizán máis alá do 2018
Por Oskar Viéitez
O Ministerio de Medio Ambiente, Medio Rural e Mariño xa recibiu a solicitude da prórroga da dirección do grupo ENCE para a permanencia da súa fábrica de Lourizán máis alá do fin da actual concesión que vence no ano 2018.
O vicepresidente da Xunta, Alfonso Rueda, referiuse este venres a esta solicitude e declarou que "no seu momento a Xunta emitirá a súa opinión despois de falar coa empresa", reiterando que esta opinión, "que non lle quepa dúbida", será tida en conta polo Goberno.
Rueda indicou que o informe será elaborado "tendo en conta ás circuntancias que hai neste momento" e dito isto engadiu que "Ence ten que ter moi claro que nas condicións nas que está agora non seguiría, haberá que falar e negociar e xa veremos no seu momento o que sexa procedente".
"Outra cousa" recordou, é a tramitación da Autorización Ambiental Integrada que está sobre a mesa da Consellería de Medio Ambiente, "xunto a outras trescentas, a de Ence é unha máis", algo que subliñou "nada ten que ver coa prórroga".
A continuidade de Ence "será unha decisión global baseada nun montón de factores"
Na decisión da Xunta sobre a continuidade da fábrica pastera na ría de Pontevedra terá que ver "unha serie de factores e non só cuestións medioambientais", dixo o vicepresidente autonómico, nas conversas previas á emisión do informe "todo iso se irá sabendo", sinalou "pero dende logo será unha decisión global baseada nun montón de factores porque está claro que a permanencia da fábrica en Pontevedra ten incidencia ambiental pero tamén noutros moitos factores que estou seguro que todos coincidimos en que deben ser tidos en conta", concluíu.
Entre eses factores encóntranse o Plan Industrial xa presentado pola pastera que contempla a construción de tres plantas de biomasa en Galicia, xunto ao seu proxecto de integración visual no ámbito. Mesmo outras iniciativas como os investimentos en I+D+i para rematar coa praga do gurgullo ou a cesión de enerxía sobrante ás empresas do Porto de Marín.
O prazo máximo para a elaboración deste informe é o da propia renovación da concesión, polo tanto o horizonte segue situado no 2018.
Relacionadas:
-
O Goberno central frea o informe sobre a prórroga de ENCE ata que entre en vigor a Lei de Costas
Por Redacción |
-
O PSOE advirte que a Xunta "parece disposta" a prórrogar a concesión de Ence pola vía do silencio administrativo
Por Redacción |
-
A Xunta segue pospoñendo a súa decisión sobre a prórroga de ENCE
Por Redacción |
-
O Goberno traslada á Xunta a solicitude de prórroga de ENCE para seguir en Lourizán
Por Oskar Viéitez |
-
O PP pide a Lores que lidere a saída de ENCE e Elnosa da Ría e o seu traslado a outro punto da comarca
Por Redacción |
-
Arregui (ENCE): "Lo que hacemos no molesta ni daña a nadie. ¿Por qué nos tenemos que ir si cumplimos la ley?"
Por Alejandro Espiño & Mónica Patxot |
-
A APDR denunciará á Xunta no caso de que prorrogue a autorización ambiental de Elnosa
Por Redacción |