"Alegría" nos colectivos pola memoria pola rúa a Virxinia Pereira en Pontevedra
Por Alejandro Espiño
Que Virxinia Pereira vaia a ter unha rúa en Pontevedra é unha "alegría" para os colectivos pola memoria, que celebran que a cidade dese un "paso máis" para que as nomenclaturas públicas teñan valores "absolutamente democráticos".
Numerosas asociacións vinculadas á memoria histórica seguiron a través de internet o pleno no que a corporación municipal de Pontevedra decidiu retirar a Juan Carlos I do seu rueiro e substituílo polo dunha muller "que loitou contra a ditadura".
Así o sinalan desde a Iniciativa Galega pola Memoria (IGM), que aseguran que é "relevante" que se cambie a un "monarca corrupto" por unha muller "con valores republicanos" e que loitou ata no exilio "polos dereitos de Galicia como país".
O rei emérito, defende a IGM, "non merece" ter unha rúa ao seu nome "por ningún motivo" e esperan que "cunda o exemplo" no resto de Galicia como "recoñecemento" ás vítimas do franquismo e avanzar na "perspectiva de xénero e de país".
A partir de agora, a antiga Avenida Juan Carlos I estará dedicada a unha muller "galeguista", como destacará a súa placa, que foi a "garante" do legado político e artístico de Castelao.
Relacionadas:
-
Convocan unha concentración veciñal contra o cambio de nome da avenida Juan Carlos I por Virxinia Pereira
Por Redacción |
-
Adeus a Juan Carlos I, ola a Virxinia Pereira Renda
Por Alejandro Espiño & Mónica Patxot |
-
O cambio de nome de Juan Carlos I segue adiante tras rexeitarse o recurso dun particular
Por Alejandro Espiño & Mónica Patxot |
-
Un particular recorre a retirada de Juan Carlos I do rueiro de Pontevedra
Por Oskar Viéitez |
-
Juan Carlos I, expulsado do rueiro de Pontevedra: "É un acto de xustiza, decencia e hixiene democrática"
Por Alejandro Espiño & Mónica Patxot |
-
Non haberá rastro de Juan Carlos I no rueiro de Pontevedra a partir de febreiro
Por Alejandro Espiño |