Limpan os espazos arqueolóxicos de Valentín García Escudero e Santa María
Por Redacción
Os dous espazos arqueolóxicos que hai na cidade, na praza Valentín García Escudero e no Campiño de Santa María, foron limpados nas últimas semanas,
Os traballos afectaron tan só ás propias estruturas arqueolóxicas e á contorna máis inmediata e consistiron na retirada de vexetación e na limpeza manual.
No caso da praza de Valentín García Escudero procedeuse á limpeza do xacemento que inclúe os vestixios da Ponte do Burgo medieval, un tramo de muralla do século XVI e o malecón portuario do XV, así como á retirada de lixo acumulada neste espazo.
No Campiño de Santa María, os labores de limpeza atinxiron aos restos medievais do paño da muralla e da casa torre dos Montenegro.
Estes traballos foron realizados, na súa maior parte, exclusivamente de xeito manual e baixo a supervisión e indicacións do técnico municipal de patrimonio cultural, co obxectivo de non provocar ningún tipo de alteración nos distintos muros de ambos conxuntos.
Este mantemento, que se fai de xeito periódico, está enfocado a ter ambos espazos en boas condicións tanto de conservación como de visibilidade.
Relacionadas:
-
Viaqua actuará no xacemento de García Escudero para evitar as augas estancadas
Por Oskar Viéitez |
-
O estado de abandono das escaleiras de Santa María terá pronta solución
Por Mónica Patxot & María José Pita |
-
Lavado de cara para o Campiño de Santa María e a praza de Valentín García Escudero
Por Redacción |
-
Pontevedra probará en Alcalde García Filgueira un novo pavimento para as beirarrúas
Por Alejandro Espiño |
-
O CITA converterase en 2021 no Centro de Interpretación da Cidade Medieval
Por Redacción |
-
A restauración dos restos da Casa-Torre dos Montenegro rematará a vindeira semana
Por Redacción |