Complétase o aforo para poder participar na cata de viños do Mosteiro de Poio
Por Redacción
O Mosteiro de Poio acollerá na tarde deste xoves 13 de agosto, a partires das 20.30 horas, unha das citas estrela do programa Reinicia o Verán.
Trátase da Cata "Viños da Terra, Viños Atlánticos", a través da cal os asistentes poderán degustar diferentes viños da IXP Ribeiras do Morrazo, así como do Barbanza-Terra de Betanzos.
A expectación que levantou esta actividade foi moi alta, como o demostra o feito de que as 50 prazas ofertadas para tomar parte na iniciativa (o aforo reduciuse a esta cantidade para garantir o cumprimento de medidas de distanciamento e seguridade pola Covid-19) esgotáronse na mañá do pasado martes, pouco despois de abrir o prazo de reservas.
A degustación estará dirixida polo sumiller, enólogo e adegueiro Roberto Regal.
A actividade incluirá tamén unha actuación a cargo de Faia, integrante do grupo De Vacas e que ven de publicar o seu primeiro disco en solitario, Ao cabo leirín.
As concellerías de Festexos e Cultura, responsables do Reinicia O Verán, lembran que o venres 14 o adro do Mosteiro acollerá o Ciclo Músicas no Ar, coa actuación do quinteto de metais da Orquestra Filharmónica de Pontevedra (19.30 horas). Esta iniciativa impúlsase a través da Deputación de Pontevedra.
O sábado 14, haberá uha cita de poesía musical na Praza Alfredo Romay de Samieira (21.00 horas), mentres que, xa o domingo, a Praza da Chousa de Combaro será escenario dun espectáculo circense a cargo de Hell Brother’s Cirkonpacto (21.00 horas). Esta programación podería sufrir cambios, en funcións das condicións meteorolóxicas.
Relacionadas:
-
Aberta a inscrición para as catas do Túnel do Viño na IXP Ribeiras do Morrazo
Por Redacción |
-
O catador de Estrela Michelin que organiza catas en liña para todos os públicos
Por Manu Otero |
-
Case 2.000 persoas gozaron da programación cultural do verán en Poio
Por Redacción |
-
Amador Arias, protagonista de 'O que arde', comparte na Reiboa as vivencias na rodaxe da película de Oliver Laxe
Por Redacción |
-
O Festival Chalaniñas, un éxito de participación que reuniu 300 persoas en Lourido
Por Redacción |
-
"Reinicia o verán" ofrecerá espectáculos de teatro, maxia, cine na rúa e concertos durante esta semana
Por Redacción |