Inician os traballos de construción da senda peonil na PO-225 entre Alba e San Caetano
Por Redacción
A Consellería de Infraestruturas e Mobilidade fixou para o vindeiro luns 27 de xullo o inicio dos traballos de construción da nova senda peonil na estrada autonómica PO-225, entre Alba e San Caetano.
Esta senda, que solucionará un problema de seguridade viaria para os peóns que transitan pola zona, en pleno Camiño Portugués a Santiago, supoñerá un investimento próximo aos 640.000 euros, tendo en cuenta o pago aos titulares das 36 leiras expropiadas.
O prazo de execución do proxecto é de 6 meses, tempo no que se producirán cortes puntuais deste vial que serán comunicados "coa debida antelación", avanza o goberno autonómico.
En total actuarase sobre un tramo de 600 metros.
Para acometer a senda será necesario rectificar a curva existente entre os puntos quilométricos 0+860 e 0+940; reordenar a intersección no punto 0+910 mellorando a súa seguridade; e instalar unha pasarela de 13,10 metros de lonxitude sobre o río Cortes, que permite evitar o tránsito de peóns por un punto estreito da estrada.
A Xunta sinala que o seu obxectivo pasa por poder finalizar os traballos este mesmo ano, acurtando lixeiramente os prazos para que a senda poida ser empregada polos peregrinos desde o inicio do próximo Ano Santo, en 2021.
Trátase dunha actuación que está cofinanciada con fondos europeos FEDER 2014/2020.
Relacionadas:
-
Alba estrea a súa senda para peóns e peregrinos na zona de San Caetano
Por Alejandro Espiño & Mónica Patxot |
-
Pechan ao tráfico a estrada PO-225 pola última fase das obras da senda peonil entre Alba e San Caetano
Por Redacción |
-
As obras da nova senda de Alba a San Caetano obrigan a pechar a estrada PO-225 a partir do mércores 12
Por Redacción |
-
Adxudicadas as obras para crear o novo sendeiro peonil entre Alba e San Caetano polo Camiño Portugués
Por Redacción |
-
Licitadas as obras para crear a senda peonil entre Alba e San Caetano
Por Redacción |
-
Así quedará a senda peonil entre Alba e San Caetano para a súa estrea no Xacobeo 2021
Por Redacción |
-
A Xunta somete a información pública o proxecto da senda peonil entre Alba e San Caetano
Por Redacción |
-
Ultiman o proxecto para mellorar a seguridade dos peregrinos na estrada de Alba
Por Redacción |